Ginatos-gatos nga mga residente ha Borongan, Eastern Samar an nakiusa ha Prayer Rally kontra Mina ha probinsya.
Nanguna ha rally hi Bishop Crispin Varquez han Diocese hiton Borongan, kaupod an mga miyembro han church ngan civil society groups tikang ha magkalain-lain nga parokya han Borongan Diocese ngan representante han Dioceses Calbayog ngan Catarman.
Kadungan han rally in nagdumara an mga kaapi hin pag-ampo kontra mina nga nagtikang ha provincial capitol grounds.
Sumala kan Bishop Crispin Varquez, nga iya iginkakalipay nga makit-an nga damo nga mga katawhan ngan mga kabataan an nagpartisipar.
Panuyuan naman han aktibidad nga maipasantop ha mulopyo ha bug-os nga Isla han Samar an negatibo nga epekto han pagmimina ha probinsya partikular ha Homonhon Island ha bungto han Guiuan.
Mababaruan nga mayda upat (4) nga mining companies ha bungto han Guiuan nga nagmimina sugadman ha Manicani Island ha kapareho nga bungto.
