Nagreklamo sa Kalibo MPS ro sangka ginang matapos segun imaw nga habyon it pungkuan ni Barangay Kapitan Edilberto Dominggo it Dalipdip, Altavas.
Sa reklamo it complainant nga si Imelda Solivet 55yo it Purok 3 Brgy. Bulwang, Numancia, ginbisita nana ro anang tatay nga naka-confine sa sangka pribadong ospital sa Kalibo.
Pag abot segun nana hay igto ro anang bayaw nga si Kapitan Dominggo nga imaw ro nagabantay sa andang tatay.
Dikara eon segun nakaangkon it mainitang argumento sa tunga nanda it Kapitan kaangot sa claim it Philhealth bangud sa pilang problema sa mga papeles.
Nagbuoe segun si Kapitan it monobloc chair ag ginhaboy raya kana.
Nakabatun man segun imaw it text halin kay kapitan nga “hara bumalik ay tatay nga sakit ay sumueod ka sa hospital suma wa kat utak”.
Ro pagdumdom it ginang hay owa imaw inigu it pungkuan ngani owa imaw nagpa-blotter, pero kaina segun it agahun hay nabatyagan nana nga masakit ro anang tuo nga alima ag nadiskubrehan nana nga naninahan imaw bangud sa insidente. / ANN DESLENE SALAZAR
