LEGAZPI CITY – Mataryumpong nakapagsagibo nin Gobyernong Gumagalaw at Lumalapit sa Tao (GGL) Serbisyo Caravan an Gobyerno Probinsyal kan Albay (PGA) sa banwaan kan Pio duran, Albay.
An nasambit na mga barangay iyo an Barangay Alabangpuro, Basicao interior, Buyo, Macasitas, Malapay, Mamlad, Nablangbulod, Oringon, Rawis asin iba pang mga pagtaraid na lugar kan municipalidad nin Pio Duran.
Segun sa PGA, sa paagi subuot kan nasambit na aktibidad, mas nairarani sa mga tao an mga serbisyong aktwal na pigsasagibo sa kapitolyo. Nakisaro sa nasambit na caravan an maabot sa katorseng (14) na departmento kan kapitolyo dara an manlaen-laen na mga serbisyo para sa mga Albayano.
