GIKONDENA sa Commission on Human Rights (CHR) sa Soccksargen ang nahitabong kamatayan partikular na sa GenSan.
Human nanguna ang dakbayan sa listahan sa ahensiya nga dunay labing daghang kaso sa extra-legal killings/ shooting incidents.
Matud ni Atty. Erlan Deluvio, director sa CHR-12 sa gipadalang mensahe luyo niini nakita nila ang gihimong dedikasyon sa kapulisan.
Sa gilayong pagresolba sa mga krimen sama sa pagpasaka og kasong pagpatay sa gitudlong mipatay sa media executive.
Giangkon ni Deluvio nga duna silay nakita nga maayong indikasyon sa ‘efforts’ sa kapulisan sa paghatag og hustisya sa nabiling pamilya.
Sa bahin ni PCOL. Gilberto Tuzon, director sa GenSan City Police Office (GSCPO) ‘double’ ang gihimo nilang lakang aron pugngan ang susamang insidente. Sagad sumala pa sa napusilan patay ang dili taga GenSan apan giawhag niini ang publiko nga mopadayon sa pakig-alayon kanila.
Kahibaloan nga gikan Enero hangtud ning bulana sa kasamtangang tuig, misaka na sa 23 ka insidente sa pagpatay ang narekord. ( Richel Gubalani)
