Nakahanda ang City Environment and Natural Resources Office (CENRO) sa posibleng pagtaas ng volume ng basura dahil sa nalalapit na Pasko at Bagong Taon.
Sa panayam ng Brigada News kay Engr. Franz Luigi Lugena Supervising Environmental Management Specialist, sinabi nito na dahil sa mga economic activities dahil sa holiday season ay mas lalo pa nilang paiigtingin ang garbage collection.
Tiniyak din nito na walang maaantalang truck ng basura upang masiguro aniya na malinis parin ang lungsod at walang mga basurang matatambak.
Pagkumpirma ng opisyal, bukod sa sampung truck ng CENRO na araw-araw na nag-iikot sa buong lungsod ay mayroon ding mga nakatalagang street sweepers sa mga thoroughfares at sidewalks at karagdagang manpower na nagsasagawa ng daily clean-up.
