Gihatagan sa Probinsiya sa Davao del Sur ang ilang tanang School Division og 1000 units sa tablets ug 20 units sa computer printer isip pagsuporta sa gi-implementang distance learning karong panahona.
Ang tablets ug printers gitunol mismo sa DepEd pinaagi ni Assistant Schools Division Superintendent Dr. Janette G. Veloso sa tanang benepisyaryong skwelahan nga gipahigayon didto sa Davao del Sur Coliseum.
Gikuha ang pundo pinaagi sa Special Education Fund (SEF) diin sa kinatuibuk-an, nagkantidad sa 4,990,000 ang tablets samtang ang printers nagkantidad og PhP 192,600.
Anaa sa 89 elementary schools ug 11 secondary school ang nakadawat sa 10 ka tables samtang gihatag ang printers sa Malinao National High School of Arts and Trade sa Padada, 6 kabuok sa Tagaytay Elementary School sa Magsaysay, 2 ka units sa Buenavista Elementary School samtang 10 ka units sa McKinley Elementary School sa Sulop.
Ang nahisgutang gadgets, lakip sa mga gipanghatag nga ekipo gikan sa DepEd sukad pa kaniadtong pagsugod sa pandemya isip pagsuporta sa edukasyon ilawom sa new normal. BNFM-Davao
