KINAHANGLAN gihapon ang pagsuot og face mask ug face shield ang mga personalidad nga ‘fully vaccinated’ na batok Covid-19. Kini ang giklaro ni Arjhon Gangoso, tigpamaba sa Department of Health (DOH) sa Soccsksargen.
Matud ni Gangoso, bisan paman nabakunahan na nagpabilin gihapon ang bahad partikular na sa mga bag-ong variant sa virus.
Giawhag niini ang tanang ‘fully vaccinated’ na nga mopadayon sa pagsunod sa minimum health protocols batok sa Covid-19 Sa ulahing datus sa DOH-12 misaka na sa 57,541 ka indidibdwal sa rehiyon ang nabakunahan (as of June 13, 2021).
Kini sa priority group nga A1 hangtud A3 o mga frontline medical health care workers, senior citizens ug person’s with comorbidities. Kahibaloan nga pipila ka nasud sa kalibutan ang mitugot na sa ilang mga residente nga ‘fully vaccinated’ nga dili na magsuot og face mask. ( Richel Gubalani)
Photo: CTTO – Goggle
