Pormal eun nga ginbalik it Philippine Air Force (PAF) do Fokker F-27 tactical transport aircraft sa Local Government Unit it Silay City, Negros Occidental sa ginhiwat nga seremonya makara eamang nga Byernes Enero 26, 2024.
Do nasambit nga seremonya hay ginpangunahan ni PAF chief Lieutenant General Stephen Parreño, Philippine Army 303rd Infantry Bridge Commander Brigadier Gen. Orlando Edralin ag Mayor Joedith Gallego.
Do Fokker F-27 aircraft nga may serial no. 59-0259 hay may makulay sigon nga nakaraan, daya sigon hay naging presidential plane it nagtaliwan nga Pangueong Fernidand Marcos sr.
Ginamit man do nasambit nga aircraft bilang transportasyon it mga relief supply sa mga lugar nga naapektuhan it Super Typhoon Yolanda ko 2013.
Ko 2022 man nakaangkon it mechanical malfunction nga naging rason kung haman uwa eun raya hagait.//MERIAM LUMBRES AGDIPA
