Naaresto na ng mga pulis ang suspek sa pamamaril sa isang driver sa southbound lane ng Ayala Tunnel sa Makati City nitong Martes ng hapon.
Sa press briefing sa Camp Crame, sinabi ni DILG Secretary Benhur Abalos na naaresto ang suspek na si Gerard Yu, isang Filipino-Chinese, sa kanyang bahay sa isang village sa Pasig City mag aalas otso kaninang umaga.
Ayon sa suspek, pag limang may-ari na siya ng sasakyan.
Narekober ng mga pulis ang dalawang kalibre kwarentang baril pero itinanggi ng suspek na siya ang nagmamay-ari nito.
Nagpositibo rin ang suspek ng isailalim ito sa paraffin test.
Nagpaabot naman ng pakikiramay si Abalos sa pamilya ng nasawing driver at ipinangako na bibigyang hustiya ang pagkamatay nito.
