Binaon ng football powerhouse na England ang Senegal sa Round of 16 ng nagpapatuloy na FIFA World Cup sa Qatar sa score na 3-0.
Tatlong magkakasunod na goal ang pinakawalan ni Jordan Henderson sa 38th minute mark at Harry Kane at Bukayo Saka sa 45th at 57th minute mark ng laban.
Dahil dito ang England ang ika-apat na team na aabanse sa quarter-finals kung saan nauna na ang Netherlands, Argentina at France.
Samantala mamayang gabi sasabak naman ang dalawang natitirang Asian countries sa Round of 16.
Makakalaban ng Japan ang team ng Croatia habang ang South Korea ay susubukan ma-upset ang koponan ng Brazil na kasalukuyang number one sa FIFA ranking.
