Nagpangkampanya ro Provincial Tourism Office para sa isaeang “pork festival” samtang ginapilit it pamahalaang panlalawigan nga punggan ro pagkalat it African Swine Fever (ASF).
Suno kay Provincial Tourism Officer Gilbert “Bombette” Marin, nga ginturo nana ro saea nga pagkasayud nga ro ASF hay nakakasamad sa igkaayong eawas it tawo, imaw ra ro brainchild ni Gov. Arthur Defensor Jr. nga nagahandum nga taason ro kasayuran it publiko sa ASF.
Ro saeang kuru-kuro ngara hay naging rason agud ro mga tawo hay magpamalibad sa pagkonsumo it baboy, nga kung siin hay mas nakakasamad raya sa lokal nga industriya it baboy.
Hinambae man ni Marin nga gusto raya it gobernador bukon eamang bilang ASF information campaign, kundi bilang isaeang agri-tourism promotion nga pang-unang naka-focus sa pork-based cuisine nga maaaring mangin interesadong ubrahon it mga tawo bilang andang kabuhayan.//LABYRINTH R. BAYONA
Photo credit: Lutong Pinoy Recipe
