LEGAZPI CITY – Piglalaoman kan Public Safety Office (PSO) Daraga na ngunyan na bulan nin Marso, maipapautob na an enhanced ‘no smoking’ ordinance.
Segun kay PSO Daraga Public Information Officer asin Secretary Lorenzo Bañas sa intrevista kan Brigada News FM Legazpi, sa parte kan saindang opisina, pag deretso na ining naibaba, makondusir na sinda ki training para sa mga ide-deputize na public safety officers na iyo man an ma-ticket sa mga mabalgar.
Sinabi pa kaini na mas naoobserbaran an dakol na mga nagagaramit nin sigarilyo sa may ibaba na parte kan public market sa nasambit na banwaan, kun sain kadalasan sa mga nagkakahiriling an mga empleyado nin gobyerno.
Mientrastanto, tinawan-doon man ni Bañas na kaibahan an ‘vape’ sa mga ire-regulate sa nasambit na enhanced ‘no smoking’ ordinance.
