Patay eun kat makit-an ro 23-anyos nga engineer nga ginkilaea nga si John Paul Tecson it Dao, Capiz ag temporaryo nga naga-istar sa Happy Homes Subd., Poblacion Ilaya, Zarraga, Iloilo.
Nangawa segun ro mga kaibhan ni Tecson kat uwa raya nagaguwa sa anang kwarto rason nga gin-adtunan nanda ro kwarto it biktima.
Nakit-an eun eamang nanda si Tecson nga naga-eubog ag uwa eun it kabuhi.
Ginsugod pa sa ospital ro persona pero gindeklara man raya it doktor nga dead-on-arrival.
Base sa imbestigasyon it Zarraga Municipal Police Station, nakuryente bangud sa nakasaksak nga charger maeapit sa eugban it biktima ro rason it anang kamatayan./JIL B. LACSON
