Patay ro 47-anyos nga eaeaki nga ginkilaea nga si Ben Gumban it Brgy. Ginalinan Nuevo, Dingle matapos ginbuno it sambilog ka tricycle driver nga si Freddie Leo Durana 51-anyos it Brgy Siniba-an, Dingle, Iloilo.
Base sa pahayag it Dingle Municipal police station, nagsugata ro mga persona sa Brgy. Calicuang, kung siin ginharang it suspek ro biktima gamit ro anang tricycle.
Sa kagustuhan nga magpalagiw, insigida nga gintumba it biktima ro anang ginasakyan nga motorsiklo ag madasig nga nagdaeagan.
Insigida man nga gin-eagasa it suspek ro biktima ag ginbuno raya sa parte it dughan.
Nasayuran nga may dati nga away ro daywa bago ro krimen.
Sa presente, padayon pa ro imbestigasyon it mga kapulisan sa insidente./JIL B. LACSON
