Patay samtang ginabueong sa Aklan Provincial Hospital ro sangka eaeaki nga gin eabo ku nagtaliwan nga gabii sa Brgy. Libang, Makato, Aklan.
Ginkilaea ro biktimang si Godofredo Taladro 47yo samtang ro suspek hay si Jhonny Absalon, 26 anyos ag parehung residente sa nasambit nga lugar.
Sa report, parehung nakainom ro daywa kat makaangkon it diskusyon hasta sa ginbayo it suspek ro biktima.
Insigida nga nagpanaw ro biktima pero sinundan gali raya it suspek ag gin eabo sa likod.
Nagsurender man ro suspek ag kulong makarun sa Makato MPS ag nagapangatubang sa kasong Murder. / ANN DESLENE SALAZAR
