Indi sa ospital, kundi sa police station gindala ang pilason nga duha ka indibidwal matapos nadimalas sa ila plano nga pagpangawat sang isa ka karton sang uga, sa Barangay Dumulog, Roxas City, Hulyo 31.
Ginkilala ang mga kawatan nga sanday alyas “Toto” kag “Nonoy”, lunsay mga residente sang Barangay Dinginan, sang nasambitan nga syudad.
Base naman sa ila kuntani nabiktima, nakita sini nga ginkarga sang mga suspek ang karton sa ila motor kag madasig nagpalagyo, apang madasig naman nga nakapangayo sang bulig ang biktima kag ginlagas ang mga kawatan.
Bangud sa madamo ang nagalutos sa mga suspek, nadulaan ang mga ini sang kontrol ang drayber sa pagmaneho sang motor, rason sang ila pagkatumba.
Pahayag naman sang mga kawatan, nga trip-trip lang ang ila pagpangawat bangud sa kahulugabon kag wala na sang iban nga napanumdom nga ubrahon.
