GI-APRUBAHAN sa konseho sa regular session ang duha ka items nga dinalian kalabot sa sabong nga giduso ni Kagawad Franklin Gacal Jr. samtang niagi na usab kini sa taas nga lantugi sa mga miyembro sa konseho ug nahuman sa bahala na ang mayor kon tugotan ang sabong.
Sa dihang giduso ni Gacal ang item 1 ug 2 nga himuong dinalian nitingog silang Kagawad Jose Edmar Yumang, Kagawad Rosalita Nuñez, Kagawad Dominador Lagare Jr., Kagawad Brix Tan ug bisan si Vice Mayor Loreto Acharon.
Sumala kay Yumang ilawom sa EO 25 nga ang estado sa syudad anaa General Community Quarantine ginabawal ang sabong luwas sa e-sabong.
Sumala usab kay Nuָñez unta tugotan ang pipila ka porsyento sa mga tawo nga makasulod sa gallera sama sa simbahan aron nga may makuha nga buhis ang syudad.
Sumala kay Gacal ang nasudnong gobyerno maoy nagbuot sa sitwasyon mao nga e-sabong na ang ginahimo sa mga nalambigit sa mao nga industriya kung asa dakung capital ang ginagasto sa mga negosyante sa manok panabong.
Sugyot usab ni Lagare nga ilang aprubahan bahala na ang mayor kon tugotan o dili ang mga pasabong sa syudad. ( Ever Diazon)
