ILOILO CITY – Mas nga paga pabaskugon it Iloilo City Government ro COVID-19 testing sa syudad para madasig nga matumod ro mga positibo sa virus bilang pagpahaum sa mga variant it COVID-19.
Raya ro kasugtanan sa ginpatawag nga meeting ni Iloilo City Mayor Jerry Treñas kaeakip ro covid-19 team ag nagkasari-saring mga ospital sa syudad.
Suno sa alkalde, magapangayo imaw it bulig sa Department of Health para sa dugang nga test kits samtang magapahaum man ro syudad it dugang nga PPEs.
Paga dugangan man ro mga quarantine facilities para makapag-accommodate it maabung dapat ma-isolate ag pagadasigon man ro vaccination bisan first dose pa eamang para mataw-an it proteksyon ro mga Ilonggo. / ANN DESLENE SALAZAR
