NANGANDAM na ang DTI Gensan sa pagpahigayon og monitoring sa mga Christmas lights nga ginabaligya sa merkado.
Gipaklaro ni Giovani Man-on, Trade and Industry Development Specialist sa DTI Gensan nga luyo sa 95 ka adlaw pa ang nabilin una ang Pasko apan gusto nilang masiguro nga dekalidad ang produkto ang mapalit sa mga tindahan.
Pagpasiguro pa ni Man-on nga apil sa ilang monitoring ang mga gagmayng tindahan ug tan-awon ang mga PS ug ICC mark stickers.
Alang sa opisyal ginahimo nila ang maong lakang aron masiguro nga luwas ang produkto nga ginabaligya ug dili mamahimong tinubdan sa sunog. I Danny Casi
