Matapos ro pilang dag on nga deliberasyon, sa wakas, ro Aklan Piña loom weaving hay opisyal nga na-inscribe sa UNESCO’s List of Intangible Cultural Heritage of Humanity.
Sa makarun hay opisyal eon nga mahambae nga ro Aklan’s Piña loom weaving hay may lugar eon sa kalibutan.
Raya ro ginhayag ni Mr. Dicof Cofreros it DTI-Aklan.
Suno kana, sa masunod nga dag on hay igapatigayun ro 25th Anniversary it Aklan Piña & Fiber Festival kung siin, sambilog sa highlights hay ro inscription it Aklan Piña Handloom Weaving sa UNESCO.
Ginaeauman man ro maabung oportunidad it Piña industry sa Aklan sa masunod nga dag on.
Sa makarun, ro nakikita nanda nga hangkat sa mga piña producers sa Aklan hay ipabilin ro manami nga kalidad kara, bangud may pilang probinsya eonman ro naga-produce kara.
Dapat mas ma-improve ro kalidad ag maghimo it mga bag ong design ro mga Aklanon weavers.
Kinhangean man nga makaangkon it maabung access sa market agud indi maduea sa Philippine History and culture ro Aklan Piña. // ANN DESLENE SALAZAR
