Naglaan ng P56.50 milyong halaga ng quick response fund ang Department of Social Welfare and Development m bilang standby funds sa mga field office para sa mga apektado ng malawakang pagbaha sa Visayas at Mindanao.
Ayon sa DSWD-Disaster Response Operations Monitoring, tinatayang 15,487 na mga pamilya ang apektado sa tatlong rehiyon ng pagbaha mula sa mga pag-ulan dulot ng shear line.
Batay sa ulat ng DSWD noong December 25, 98 barangay ang naapektuhan ng pag-ulan dala ng shear line sa Eastern Visayas, Region X, sa CARAGA. Mahigit kalahati o 55 barangay ang mula sa Rehiyon X.
Tinatayang nasa 15,487 pamilya o 69,323 na mga indibidwal mula sa 98 barangay ang apektado ng nasabing weather disturbance.
Dagdag pa ng DSWD, sa kasalukuyan, 9,409 na pamilya ang nasa evacuation centers, o 45,813 residente sa 34 na evacuation centers sa Region X at CARAGA.
Imihayag ng ahensya na patuloy itong nakikipag-ugnayan sa DSWD Field Offices sa mga apektadong ahensya ng lokal na pamahalaan para sa pamamahagi ng mga family food packs (FFPs) para sa mga apektadong residente.
