Nabungkag sa hiniusang pwersa sa PDEA Davao de Oro Provincial Office and Seaport Interdiction Unit Sasa sa PDEA Regional Office XI, Davao de Oro Police Provincial Office ug Mabini Municipal Police Station ang usa ka drug den sa Purok 2, Barangay Pangibiran, Mabini, Davao de Oro kagahapon sa ala-1:35 sa kadlawon.
Subject sa maong drug buy-bust operation ug drug den maintainer mao si alyas Weng-weng, 41 anyos, minyo ug residente sa nasangpit nga lugar.
Samtang dakpan usab ang mga kaubanan niini nga sila alyas Roselle ug drug den visitor nga si alyas Jeffrey.
Kinatibuk-an kapin kon kulang 91,600 pesos kantidad sa illegal nga droga ang nakumpiska gikan sa mga dinakpan.
Gihikay na ang kasong kalapasan sa Republic Act 9165 o mas nailang Comprehensive Dangerous Drugs Act of 2002.