Driver, arestado matapos ginserbihan sang warrant of arrest sa mga kapulisan sa Roxas City

Arestado ang isa ka driver matapos ginserbihan sang warrant of arrest sang mga kapulisan sa Brgy. Lawaan, Roxas City.

Ginkilala ang akusado kay Stephen Caldeo, 45-anyos, residente sang Arnaldo Blvd., Brgy. Baybay, Roxas City.

Nagapangatubang sang kaso nga Acts of Lasciviousness si Caldeo.

Ang warrant of arrest ang gin-isyu kag ginpermahan ni Judge Eric Anthony Dumpilo, Regional Trial Court, 6^th Judicial Region, Branch 14, Roxas City napetsahan Setyembre 25, 2023.

Ginrekomendar sang korte ang piyansa nga P10,000 para sa iya temporaryo nga kahilwayan.

Sa karon, nagapabilin sa kustodiya sang Roxas City PNP ang akusado para sa nagakaigo nga disposisyon. | Judy Ann Juare

BNFM Roxas Capiz