Hihingi ng permiso ang Department of Justice sa National Commission for Culture and the Arts o NCCA para ipagpatuloy ang excavation sa kanilang gusali sa Maynila kung saan natagpuan ang kalansay ng mga tao na pinaniniwalaang namatay noong world War II.
Paliwanag ni Justice Secretary Jesus Crispin Remulla,kailangan ito sa lalong madaling panahon dahil may target na panahon para sa pagpapatayo ng bagong gusali sa DOJ compund.
Noong November 25, sinabi ni Remulla na ini-utos niya ang pagpapahinto ng trabaho sa construction site sa kung saan itatayo ang library ng departamento.
Sa paghuhukay para sa pundasyon ng gusali, natuklasan ng mga manggagawa ang mga skeltal remains ng higit sa isang tao s noong November 24.
Itinurn-over na sa National Bureau of Investigation (NBI) ang mga skeletal remains para sa pagsusuri.
RELATED STORY:
