Naniniwala si Justice Assistant Secretary and spokesperson Atty. Mico Clavano na nasa Pilipinas pa rin si Apollo Quiboloy.
Ayon kay Clavano, walang record ang Bureau of Immigration (BI) na ang spiritual adviser ni dating Pangulong Rodrigo Duterte ay nakaalis na ng bansa.
Kaugnay nito, mayroon na rin daw Immigration Lookout Bulletin Order (ILBO) para mabantayan kung lumabas ba ng bansa si Quiboloy.
Sa ngayon, wala pa umano silang natatanggap na impormasyon hinggil sa pag-alis ng akusado.
Mababatid na maliban sa sexual abuse cases, humaharap din ngayon si Quiboloy sa mga non-bailable charges sa human trafficking sa Pasig City Regional Trial Court (RTC).
