Posibleng may sangka cluster it covid-19 cases it delta variant sa probinsya it Antique, suno sa Department of Health (DOH).
Suno kay DOH Undersecretary Maria Rosario Vergeire, sangka returning overseas Filipino ro umuli bangud sa pagkamatay it anang ginikanan.
May sangka tawo nga halin sa Antique ro nagtambong sa namatyan ag natapnan ro ibang mga tawo, base sa pahayag ni Vergeire.
Daywang kaso it covid-19 delta variant ro na-detect sa Pandan, Antique daywang dominggo eon ro nakataliwan kung siin, ro sambilog hay namatay samtang ro sambilog hay nakarekober.
Sa makarun hay ginatan-aw it DOH kung paano posibleng kumalat ro delta variant.
Posible segun nga nakaangkon it pag-eabag sa protocol bangud ro tanan nga incoming travelers hay gina-require nga magpaidaeum sa quarantine ag covid-19 testing anuman ro andang vaccination status.
Madumduman nga ginkumpirma it DOH nga may local transmission eon it delta variant matapos makakita it koneksyon sa lokal nga delta infections. / ANN DESLENE SALAZAR
