LEGAZPI CITY – Nakakaabot na sa opisina kan Department of Health (DOH) Bicol an mapadapit sa nairehistrong panibagong kaso nin rabies death sa banwaan kan Tiwi, Albay.
Segun kay Ruby Dizon-Jeremias, Regional Rabies Program Coordinator kan nasambit na ahensya, masagibo muna nin verification an saindang opisina nganing maasigurar kun rabies talaga an kawsa kan pagkagadan kan biktima.
Apwera kaiyan, sinabi pa ni Jeremias na dai dapat gadanon an ayam en kaso magpositibo sa nasambit na helang asin dapat tulos i-report sa Municipal Agricultures Office o sa City Veterinary Office tanganing dakupon an ayam.
Inaabisuhan man kan ahensya an publiko na kun nakagat nin ayam o ikos, kinakaipohan magpasiring sa haraning ospital o doctor tanganing matawan nin magkakanigong bakuna kontra sa rabies.