ILOILO CITY — Natumod eon it Department of Health (DOH-6) ro 44 nga close contacts it daywa ka mga senior citizens sa Pandan, Antique nga nagpositibo sa delta variant it covid-19.
Sa ginpatigayun nga backtracing ag contact tracing, 27 sa nasambit nga numero ro na-identify sa andang panimaeay ag komunidad kung siin, waeo ro 1st layer contacts; 17 ro 2nd layer contacts ag daywa ro 3rd layer contacts.
Samtang, 17 man sa 44 nga close contacts ro na-identify sa Justice Calixto O. Zaldivar Hospital kung siin, daywa ro na-admit.
Sa 44 nga mga close contacts, 11 ro nagpositibo ag nakarekober eon.
Mayo 29 kat nagpositibo sa covid-19 ro daywa ka senior citizens.
Hulyo 11 man kat ginpadaea sa Philippine Genome Center ro andang specimen para sa genome sequencing ag Hulyo 16 kat gumuwa ro resulta nga natapnan sanda it Delta variant. / ANN DESLENE SALAZAR
