DOE, nagapati nga makakuha sang madamo nga renewable energy projects ang Negros

-Reymund Titong

KABANKALAN CITY, Negros Occidental — Hugot ang pagpati sang Department of Energy (DOE) nga makakuha pa sang madamo nga renewable energy projects ang Negros matapos mapasar ang Negros Island Region (NIR), nga gina lantaw nga maka bulig sa paglab-ot sa isa ka tumong nga mangin isa sa mga lugar sa pungsod nga naga-usar sang clean energy.

Pahayag ni DOE undersecretary Rowena Cristina Guevara, ang Visayas ang may pinakamataas nga porsyento sang paggamit sang renewable energy, kag isa ini nga ginalantaw sang mga investors nga mangin rason man nga maga-uhong ang mga negosyo sa isla.

Base naman sa energy plan 2030, may yara sang 35 porsyento sang renewable energy nga naga-hatag dugang nga kuryente kaupod ang iban nga mga energy sources kag plano man nga mag 2040-2050, magtaas ang nasambit nga porsyento sa 50.

Plano man sang ahensya nga malab-ot sang pungsod nga makahatag sang barato, reliable, tinlo, kag sustinabli nga kuryente sa tuig 2050.*

Leave a Reply

Your email address will not be published. Required fields are marked *