NANGHINAUT si Pastor Manny Mahusay sa Faith Tabernacle Church sa Lagao nga malamdagan pa ang hunahuna sa mga magbabalaod nga miaproba in principle sa committee level sa Divorce Bill.
Alang sa nahisgutang pastor, sagrado ang kaminyuon ug kamatayun lang ang angayang makapahibulag sa mag-asawa.
Gani mabasa usab sa Bibliya nga pasidunggan ang kaminyuon ug silotan sa Ginoo ang asawa nga manapaw.
Sa pagtuo pa ni Pastor Mahusay, daghang pamilya unya ang mabungkag ugaling maaprobahan ang maong sogyot, mao nga ginaampo niini nga matagaan og kaalam sa Ginoo ang mga magbabalaod.
Tambag pa usab niini angayang mobasa og Bibliya ang mga magbabalaod gawas pa nga ipatigbabaw nga magpabilin nga Christian nation ang Pilipinas pinaagi sa paghatag og igong bili sa kaminyuon.
