Kasunod sa ginpaguwa nga Executive Order No. 103, series of 2021 it lokal nga gobyerno it Iloilo, ginpa-idaeom sa granular lockdown ro pila ka mga parte it dis-otso ka mga kabarangayan sa Iloilo City halin kahapon it gab-i hasta Setyembre 21, 2021.
Ro mga lugar nga apektado hay ro Barangay Sooc, Mohon, Benedicto, Sambag, Taytay Zone 2, Lanit, Tagbak, Tabuc Suba, Balabago, Buhang, Dungon- C,Hibao-an Sur, San Nicolas, Nabitasan, Lopez Jaena Sur, Calumpang, San Juan, atg Villa Anita.
Ro pagpa-idaeom it mga lugar sa granular lockdown hay base sa rekomendasyon it Iloilo City COVID-19 team.
Magahimo man it mandatory RT-PCR testing ro City Health Office sa mga na-classify nga mga moderate contacts it COVID-19 cases sa nasambitan nga mga areas./JIL B. LACSON
