Pinuri ni Department of the Interior and Local Government (DILG) Secretary Benhur Abalos, Jr. nitong Biyernes ang Police Regional Office 5 sa mga nagawa nitong anti-illegal drugs campaign sa paglulunsad ng “Buhay Ingatan, Droga’ y Ayawan (BIDA) program sa Camp Simeon Ola.
Sa naging pahayag ni Abalo, binati nito ang buong kapulisan sa mga accomplishments pagdating sa anti-illegal drugs kung saan may ilang mga barangay na idineklara nang drug-free at pagkakahuli sa No. 1 drug pusher.
Aniya, ang pagtutulungan ng lahat ng ahensya ng gobyerno, stakeholders at mga komunidad ay napakahalaga sa pagsasakatuparan ng layunin na mabawasan o tuluyan nang mawala ang paggamit ng iligal na droga.
Ayon sa datos ng PNP Bicol, 2,170 sa 2,793 drug-affected barangays ang itinuring nang “drug cleared” noong Enero 18, 2023.
Ang lalawigan ng Sorsogon ang may pinakamataas na bilang ng may mga drug-cleared barangays na may 97%, at Catanduanes na may 93%. Kabilang sa mga kraytirya upang madieklarang drug-cleared ang isang barangay ay ang hindi pagkakaroon ng supply ng droga, kawalan ng drug transit, laboratoryo, bodega, pusher, user, at protector; pagkakaroon ng mga programa sa mamamayan o komunidad, pag-iwas sa droga, boluntaryong paggamot sa droga at pagpoproseso ng rehabilitasyon.
