Bukas si Interior Secretary Benhur Abalos na ayusin ang tila “miscommunication” sa optional na pag-gamit ng Cebu City ng anti-coronavirus masks.
Ayon kay Abalos, pumayag ‘in principle’ si Cebu City Mayor Michael Rama na ipagpaliban ang “non-obligatory” na pag-gamit ng face masks sa mga open areas sa kanilang lungsod,
Pero noong Huwebes, nanindigan ang alkalde na mananatili umano ang naturang polisiya.
Para sa DILG chief, nagkaroon siguro ng miscommunication sa napag-usapan nila ni Rama hinggil sa naturang isyu.
Giit nito, ginagalang niya ang pahayag ng alkalde, at mananatili rin umanong bukas ang kanyang kumunikasyon para mabigyan ng pagkakataon ni Rama na ipaliwanag ang kanyang posisyon.
