HUMAN sa tulo katuig human gilusad ang 24-hours complaint hotline sa gobyerno, nag-aso gihapon ang linya sa pag-abot sa mga reklamo.
Matud ni Rilimin Sandoval, Department of Interior and Local Government (DILG) City director dili moubos sa lima hangtud unom ka reklamo ang nadawat nila sa “Digong 8888 hotline.”
Sagad sa reklamo nga nadawat gikan pagsugod sa COVID-19 pandemic mao ang kalabut sa pagpang-apud apud og ayuda sa gobyerno. Lakip sa gireklamo ang usa ka pribadong ospital sa GenSan nga wala nagpagawas og patay nga COVID-19 patient tungod sa bayronon.
Ang maong reklamo ang gipadala na ni Sandoval ngadto sa Department of Health (DOH) 12 aron ma-validate. Kahibaloan nga tumong niini ang mahimong tulay sa ‘gap’ tali sa ahensiya sa gobyerno ug ordinaryong tawo aron matubag ang mga reklamo batok sa nagkadaiyang serbisyo sa gobyerno. ( Richel Gubalani)
