Ginkumbinse it Department of Foreign Affairs (DFA) consular office ro publiko nga indi makipagtransaksiyon sa mga “fixers” o “appointment setters” para sa passport assistance.
Gintaw-an it bug-at ni Sheila Marie Tu, DFA-Iloilo Consular Office officer-in-charge, nga uwa ginapasugtan it DFA ro sin-o man nga mga indibidwal o grupo nga mag-intra sa mga passport appointments services nga may bayad.
Ro mga appointment setter hay mga indibidwal nga naga-lock it mga appointment slots online.
Ginkumbinse ni Tu ro mga biktima it mga “setter” nga magreport sa andang taeatapan ag magta-o it detalyadong report o patunay it mga transaksyon para makalunsar it imbestigasyon ro DFA central office.
Ku kan-o eamang nagpasaka it reklamo ro DFA ag nagapangayo it imbestigasyon sa mga ticketing outlet bangud segun sa pagbaligya it passport appointment slots paagi sa Facebook./JIL B. LACSON
