Owa nagpalya ro DepEd Region VI, nga i-remit ro GSIS Contributions it andang mga empleyado.
Nagpaguwa ro Department of Budget and Management (DBM) it Circular Letter No. 2020-6, Revised Payment Arrangements of Employer (Government) Share and Retirement and Life Insurance Premium (RLIP) Contribution nga nai-remit eon sa Government Service Insurance System (GSIS).
Sa nasambit nga Circular, nakabaehag nga ro DBM hay dapat direktang mag remit sa GSIS it Government Share para sa April-December 2020, ag ro negative General Allotment Release Order (GARO) hay dapat ma-isyu para ma-withdraw ro pondong ginpaguwa para kara.
Pero ro natabo, raya hay parehung nailista bilang due sa GSIS (GSIS Payable), nga naging rasun it pag angkon it overstatement nga P2.199 billion.
Bangud kara, nagaguwa nga napaseawan ro DepEd Region VI nga i-remit ro GSIS Contribution it andang mga empleyado.
Agud masabat ro nasambit nga isyu, sangka Journal Entry Voucher (JEV) ro ginhimo sa Books of Accounts it opisina, halin it CY 2023 para ipakita ro nasambit nga adjustment, ngani nabawasan ro balor sa P306 Million. // ANN DESLENE SALAZAR
