LEGAZPI CITY – Kinumpirmar kan Municipal Disaster Risk Reduction ang Management Office (MDRRMO) Malilipot na ngunyan na aldaw, ipapa-decamp na kan lokal na gobyerno an mga evacuees kan bulkan sa nasambit na banwaan.
Sa intrevista kan Brigada News FM Legazpi kay Engr. Alvin Magdaong, head kan nasambit na opisina, saktong alas 7 nin pagkaaga nagpuon an saindang decampment.
Abuton man sa 3,000 katawo o lagpas 900 na mga pamilya an papaurulion na.
Pigsyerto kaini na lambang pamilya, igwa nin bitbit na mga ayuda.
An mga mauruli na mga bakwit iyo an mga nakaistar sa laog kan 6 km PDZ partikularmente an mga barangay kan Calbayog, San Roque asin Kinaway.
Segun pa kay Magdaong, haros uminabot man ki lampas 3 na bulan an pagtenir ninda sa evacuation center.
