BATAN, AKLAN — Daywa ro patay samtang sambilog ro nakasalbar matapos naeumos sa suba sa Brgy. Lupit, Batan, Aklan bandang alas 10:30 it agahun kahapon.
Sa interview it Brigada News FM Kalibo kay Police Staff Sergeant Jessie Lauz it Batan PNP, ro mga namatay hay sangka 35yo ag 11yo samtang ro nakasalbar hay sangka menor de edad man ag parehung residente sa nasambit nga lugar.
Sa imbestigasyun, nagapamuoe segun ro mga raya it shells sa suba kat magdesisyon nga maligos ro daywa ka unga.
Ku ulihe hay nagpangayo it tabang ro daywa ka unga nga insigida man ginbuligan it 35yo nga biktima nga sa owa it swerte hay naeumos man. / ANN DESLENE SALAZAR
