Naka half-mast karon ang bandila sa nasud sa tanang pampublikong buhatan sa gobyerno dinhi sa syudad sa Davao nunot sa pagtaliwalan sa ika-15 nga pangulo sa nasud nga si Benigno Simeon “NoyNoy Aquino III kagahapon sa buntag.
Sa pahayag sa City Government of Davao, ang paghalf mast flag himoon hanghtud nga malubong ang nahisgutan aron makighiusa ang syudad sa nasud sa pagsubo sa pagtaliwan sa kanhing Presidente sa nasud.
Samtang lakip usab nga nagpadangat sa pahasubo ang ubang local government units sa Davao Region.
Kahibaluang nabugtuan sa kinabuhi ang kanhing Pangulo tungod sa renal disease secondary to diabetes human kini gidagan kagahapon sa ospital.
Nagpadangat na usab si pangulong Rodrigo Duterte og pahasubo sa pamilya Aquino ug giproklama ang June 24 hangtud July 3 isip National Period of Mourning.
