INARESTO dahil sa kasong korapsyon ang dating Prime Minister ng Pakistan na si Imran Khan.
Batay sa report, nahaharap sa multiple corruption charges ang dating punong ministro na kasalukuyang nakapiit sa Islamabad.
Pinangunahan ng paramilitary troops ang pag –aresto sa dating opisyal matapos na ilabas ng National Accountability Bureau ang resulta ng imbestigasyon kung saan napag-alamang ‘guilty’ umano ito laban sa mga isinampang kaso sakanya na may kaugnayan sa ‘graft and corruption.’
Samantala, nanindigan naman si Khan sa pamamagitan ng pre-recorded statement na “incorrect charges” ang ipinupukol sakanyang mga kaso at iligal ang ginawang pag aresto sakanya.
Pinabulaanan din nito ang lahat ng mga paratang sakanya at sinasabing sinusunod niya umano ang batas.### JDR
