Na- contempt ang dating desk officer ng PNP Bayawan sa Negros Oriental dahil sa pagsisinungaling umano sa pagpapatuloy ng pagdinig ng Senate Committee on Public Order and Illegal Drugs.
Ayon sa isang Wilfred Estiñoso, ama ng napatay na aspiring councilor na si Juwim Estiñoso , tumanggi umanong gumawa ng blotter report si Police Staff Sgt. Renevic Rizaldo nang humingi ng tulong si Juwim matapos ang pagtatangka sa kanyang buhay noong isang taon at sinabing guni-guni lamang niya umano ito.
Sinabi ni Rizaldo, na wala siyang matandaan na may tinanggihan siyang tao na gustong magpa-blotter sa Negros Oriental. Hindi rin umano niya matandaan na nagsabi siya na guni-guni lamang ang pagbagbanta sa kanyang buhay.
Nag mosyon si Sen. Jinggoy Estrada na i-contempt si Rizaldo na sinang-ayunan naman ni Sen. Bong Revilla.
Nasa kostodiya na ngayon ng Senate Seargeant of Arms si Rizaldo na napag-alaman na dating body guard din ni Cong. Arnolfo Teves Jr.//CA
