LEGAZPI CITY – Pigpresentar kan kumpanyang Mayon Tech an saindang Data Management System (DMS) sa lokal na gobyerno kan Camalig, Albay.
An DMS igwa nin kakayanang gibuhong paperless an data management kun sain mas mapapakarahay an pag-organisar kan mga papeles, kasarabay na man an pagpapadali kan proseso para sa mga empleyado asin an data security.
Mientrastanto, segun sa LGU magayon na sistema ini huli ta dae na ninda kaipuhan pang magkaugwa ki darakulang storage rooms para sa mga dokumentos asin magigin back-up man ini kan mga rekord.
