Nagdumogay ang darwa ka agi matapos nga magbaisay kung sino ang ma drive kang motor sa Brgy. Ipil, Belison las-11:15 kagabie, Mayo 19.
Ginkilala ang biktima kay Jeffry Jetano,33-anyos, freelancer kag temporaryo nga nagatinir sa District 2, Sibalom samtang ang suspek amo si Nelson Gerona Jr., 23-anyos, hair stylist kag residente kang Poblacion 2, Hamtic.
Suno sa imbestigasyon, hubog ang darwa rason nga nagbinaisay dya kung sin-o ang ma drive kang motor pauli.Nakaagom kang pilas sa ulo ang biktima bangud ginpukpok kang bato kang suspek rason nga nahulog sa dya sa punong.
Sa kadya, makaguwa ron sa ospital ang biktima samtang wara ron kang plano nga magpasaka kang kaso.
