Miulbo ang dakong sunog sa usa ka bodega nga nahimutang sa District 1, Brgy, Pulpogan sa lungsod sa Consolacion pasado 5:45, Miyerkules sa hapon, Mayo 15, 2024.
Ang mga sakop sa Consolacion Fire nangabot sa maong dapit 5:51pm. Sa ilang taho, ang nasunog nga 1-storey warehouse building iya sa Marscel Manufacturing Corp. nga gipanag-iya ni Mark Anthony Dy.
Giisa sa 3rd alarm status alas 6:09pm, nakontrol ang sunog alas 6:46pm ug na fire out 8:06pm.
Hinuon, walay nakalas nga kinabuhi apan dunay gidala sa Mendero Medical Center sa Pitogo Consolacion human naka angkon og mga paso sa lawas mao si Lonie Lebrero, 21-anyos, lumad nga taga Laaw Borbon Cebu kinsa niadtong higayona anaa sa bodega sa wala pa kini mobiya atol sa iyang duty.
Sulod sa maong bodega mao ang mga foam nga maoy nakapaulbo sa dakaong kayo og nakahatag og kalangay sa mga bombero sa pagpawong sa nagdilaab nga kayo.
Gibutyag ni FO3 EDMAR TUÑACAO, nagpadayon pa ang imbistigasyon bahin sa hinungdan sa sunog sa maong kinentos metros nga gilapdon nga naapektahan sa sunog sa nahisgutang bodega.
Ang sunog gibana banang mibilin gyud og danyos nga Php 17,500,000.00 milyones. ///