Dalawang lalaki na pinaghahanap ng batas ang magkasunod na naaresto ng awtoridad sa lalawigan ng Laguna at Palawan.
Unang inaresto si Bernabe Galban, 56-anyos, binata, sa Brgy De la Paz, Binan, Laguna; residente ito ng Brgy Tinampo, Irosin, Sorsogon.
Si Galban ay nahaharap sa kasong qualified theft noong taong 2016 pa.
Ang warrant of arrest ay inisyu ng RTC Br 55, Irosin, Sorsogon na may itinakdang piyansa na P24K.
Samantala, si Joji Carlo Gallon Guamos, 27-anyos, may asawa at residente ng Beriran, Juban ay hinainan ng kanyang warrant of arrest sa Brgy Poblacion, District 2, Brooke’s Point Palawan.
Inaresto ito sa bisa ng warrant of arrest na inilabas ng RTC 5th Judicial Region, Br 51, Sorsogon City sa kasong paglabag sa RA 7610 o child abuse na naganap noong taong 2017 pa.
P180K ang piyansang itinakda ng korte para sa temporaryong kalayaan nito.
