Simula bukas ay epektibo na ang bagong round ng dagdag-bawas sa presyo ng mga produktong petrolyo.
Sa abiso ng oil companies, magbabawas ng katiting na P0.20 sa kada litro ng gasolina.
Ito na ang ikalawang sunod na linggong rollback sa presyo ng gasolina.
Mayroon namang dagdag na P0.75 sa kada litro ng diesel, at P0.50 din na price hike sa kada litro ng kerosene.
Bunsod na rin ito ng paggalaw sa presyo sa pandaigdigang merkado; pati na rin ang mga developments sa output cuts ng Saudi Arabia.
