KORONADAL CITY- NAMAHAGI ang Department of Agriculture o DA 12 ng mga karnero sa bayan ng Tupi.
Ito ay sa ilalim ng Livestock Program ng departamento sa pamamagitan ng livestock production center.
Kabilang sa ipinamigay ng DA 12 ang 6 na Australian Dorper sheep sa Rural Agricultural and Horticultural Farmers Association ng Barangay Linan, Tupi, South Cotabato.
Sa gustong mag-avail ng naturang programa, magsumite lamang ng letter of intent at endorsement mula sa Office of the Municipal Agriculturist o OMAg. Kailangan ding rehistrado ang asosasyon o kooperatiba at rehistrado din sa Registry System for Basic Sectors in Agriculture o RSBSA ang mga miyembro.
