BICOL – POSITIBO an Department of Agriculture o DA-Bicol na matatapos na an problema sa African Swine Fever o ASF ng rehiyon.
Segun ki Dr. Josefina Bañadera, DA Bicol Animal Health Coordinator, posible soboot ini kun magiging matrayumpo an Recovery o Sentineling Project kan ahensya asin magdadagos dagos an downtrend kan mga kaso nin ASF sa rehiyon.
Sa katunayan soboot , haloy nang dai nakapagrehistro nin mga bagong kaso nin ASF apwera n asana sa sarong barangay sa Gubat, Sorsogon na pinakahuring nagpositibo sa sinambit na helang.
Siring man padagos sana an ahensya sa pagsasagibo nin environmental sampling asin paglalaag nin sentinel pigs sa mga lugar sa rehiyon na tinamaan nin ASF.
Dugang pa ni Bañadera, hababa na an infection rate sa iba pang lugar sa rehiyon puon kan magkagiwa nin pinaka enot na outbreak sa Bombon, Camarines Sur kan Pebrero taon dos mil bente.
Sa ibong kaini , sinabi kan opisyal na kinakaipuhan pa man giraray na umagi sa proseso antes opisyal na maideklarar na ASF-free na an sarong lugar puon sa pagsusumiter kan ASF ordinance kan lokal na govierno , environmental sampling asin pagnegatibo sa virus kan ibubugtak na sentinel pigs.
Sa huri, padagos an pangapudan kan ng ahensya sa mga LGU na dawa sibot sa covid-19 response mantineron an higot na pagbabantay tanganing dai na liwat na makalaog an nakakagadan na helang nin mga orig.