Naniniwala ang isang political analyst na mas magiging maganda ang COVID-19 response ng Pilipinas kung makapag-aapoint na si Pangulong Ferdinand Bongbong Marcos ng bagong DOH Secretary.
Ayon kay Prof. Froilan Calilung, isang political analyst, at faculty member ng UST bagama’t mataas ang approval rating na nakuha ng Pangulo sa kategoryang COVID-19 response mas gaganda pa ito kung magkakaroon na nang kalihim ang Health Department.
Sa kabila nito sinabi ni Calilung na positibo pa rin ang pagtingin ng mga Pilipino dahil nagpapatuloy pa naman ang paglaban sa pandemya at pagpapaigting ng booster campaign.
Dagdag pa nito na ang lumabas na resulta sa Pulse Asia Survey ay sumasalamin lamang sa nakikita ng mga Pilipinong presensya at pagtugon ng Marcos Administration partikular sa mga kalamidad na tumatama sa bansa, at sa COVID-19 pandemic.
Sa nasabing survey ang mga kategoriyang calamity at pandemic response ang nakakuha ng pinakamataas na approval rating na nasa 78%.
