KALIBO, AKLAN—Humampak eon sa 121 do COVID-19 related deaths sa probinsya it Aklan.
Raya hay matapos madugangan it an-um kahapon maghalin sa nagkasari-saring banwa sa probinsya.
As of July 12,2021, do banwa it Kalibo hay may pinakamaabong namatay nga nagaabot sa 51, ginasundan it Malay, Ibajay ag Banga nga may tig-waeo, an-um sa Makato, New Washington ag Numancia nga may tag-lima samtang may tig-ap-at man sa mga banwa it Tangalan, Altavas ag Malinao.
Do mga banwa man it Nabas, Madalag, Libacao ag Buruanga nga may tag-talo ag do mga banwa it Lezo, Balete ag Batan hay may tag-daywa.
Sa pihak nga parte, sumaka eon makarun sa 5,393 do kabilugan nga kaso sa Aklan kung siin 850 pa kara do aktibong kaso ag 4,422 man do mga nagmaeayad matapos iguan it deadly virus. // SHERRY ANNE REUNIR-VIDAL
